夏天又係蛇蟲鼠蟻橫行嘅日子，廣告都有教大家點樣預防蚊蟲滋生喇，但係有啲地方真係無論點樣防蚊、滅蚊，一出門全副武裝上陣都被咬到周身腫？講緊嘅就係新疆嘅阿勒泰，呢度係世界上四大蚊蟲聚居地之一，其餘三個地方分別係印度恆河、南美亞馬遜河、孟加拉灣。

到底阿勒泰嘅蚊患有幾嚴重？當地有「出門三層衣，回營一身紅」、「蚊蟲肆虐咬到豬撞牆」、「一巴掌拍死40隻蚊子」嘅說法，好誇張？呢啲正正係阿勒泰地區生活嘅日常。蚊香、驅蚊劑、長衫長褲、紗幔兜帽等防蚊滅蚊用品都係喺阿勒泰生活嘅必需品。當地人試過喺5月中蚊嘅排卵期同幼蟲生長期向河塘中噴灑生物藥劑，抑制幼蟲生長，亦都喺6、7月份，嘗試噴化學藥劑嚟減少成蟲嘅數量。此外，唔少區域都裝咗滅蚊燈，種埋驅蚊草，種種措施雖然令情況有所改善，但都無辦法杜絕蚊蟲滋生。

阿勒泰嘅蚊患同當地嘅草場有關，由於阿勒泰地區有4條主要河流：額爾齊斯河、哈巴河、別列則克河、阿拉克別克河，所以當地嘅養草場較多，而草場需要灌溉，每年4、5月灌溉之後嘅草原都會積存唔少大大細細嘅死水坑同水塘，為蚊蟲嘅繁殖提供咗一個絕佳嘅環境。

圖片嚟自網絡，可能會引起密集恐懼症患者嘅不安。